Cetaphil 舒特膚

賦活塑顏精華卸淨水

感謝@cosme抽中我試用呢支Cetaphil賦活塑顏精華卸凈水。
呢款產品係卸妝後免洗，超級適合敏感肌。我近排嘴角損埋、嘴唇又腫，好多清潔產品一擦就刺刺痛，但呢支完全唔燒面。因為無酒精無香精，就算我擦近嘴角損傷位置，都只會覺得涼浸浸舒緩，完全唔會灼痛刺激。
用化妝棉濕透輕敷幾秒帶過，就可以將淡妝同防曬卸走晒，唔使大力捽，摩擦感近乎零。朝早就用佢抹走油光，好節約時間。夜晚卸妝又好徹底。因為佢免沖洗，擦完塊面仲潤潤哋，唔會乾到緊繃、甩皮。