Cetaphil 舒特膚

賦活塑顏精華卸淨水

最近想試唔同嘅卸妝產品，因為天氣太熱，又成日落雨濕濕，塊面好容易污糟爆瘡。好巧合地抽中咗Cetaphil嘅卸妝水試用，而且效果出乎意料地好！！

一般放工後，調色防曬同遮瑕膏都甩得七七八八，但係kiss me眼線液、ettusais睫毛膏都依然喺度。平時除咗用卸妝水之外，仲要用眼唇卸妝液先卸得哂最難卸嘅睫毛膏。但係第一日試Cetaphil嘅卸妝水已經好surprise，因為佢敷一次已經足夠卸走八九成嘅眼妝。抹第兩次就已經好乾淨～左邊係卸妝前，右邊係卸妝後。
只係用咗2塊卸妝綿就抹得咁乾淨，真係非常驚喜，唔洗再用多個產品，卸妝變得快咗方便咗👍🏻

而使用後都唔會有乾澀、敏感、黏笠等狀況，比起我用開嘅平價卸妝水感覺舒適好多。可以一放工就卸妝，唔洗急住洗面，等食完飯沖涼再洗，實在太好了。果然係一分錢一分貨🤣

另外我發現！！用咗幾日，塊面毛孔好似有細咗，呢樣都係估唔到嘅。我覺得佢個配方好好，又溫和又可以保濕收毛孔。我對呢個產品非常滿意，大推！！