ORBIS

澄淨卸妝油

多謝orbis嘅試用邀請。我本身用咗orbis嘅和漢系列卸妝油幾年，已經空瓶過好多支，今次有機會試下佢其他嘅系列。
呢一支嘅質地好唔一樣，完全係流動嘅油嘅狀態。我每日出街都必定會化妝，所以卸妝真係好重要。呢一支係orbis一貫嘅高質，只需要泵2下就夠全臉用，可以徹底卸乾淨妝容，就算係較厚嘅粉底液同眼線都一樣卸到。由於佢係油狀，所以完全唔會有拉扯嘅感覺。完全乳化後加水好容易就沖乾淨，我連續用咗大約1星期，皮膚狀態都仲係好好，就算係呢2個星期天氣突然變乾都冇覺得繃緊，呢支感覺係四季都啱用。