Vaseline

凡士林®特潤修護精華雪融霜

感謝@cosme 在秋冬季選中我試用護膚產品 !
近期香港天氣急速變化，皮膚率先變得乾燥，無論嘴唇同手腳，都明顯感受到變化！

今次呢款雪融霜最令我驚訝就係產品容量非常大！秋冬乾燥皮膚，用多啲都唔覺得心痛！

而且產品包裝友善，有一層錫紙封住，產品唔會咁容易喺運送過程當中爆出嚟
而且佢嘅質地非常輕盈，延展性好高，好容易推開，就算當潤手霜，都唔會覺得好黐立立，或者之後用手提電話會留低手指模！
而且產品成份當中，第二樣已經係甘油，證明產品嘅配方都好着重保濕同滋潤 。唔會好似坊間有啲產品，比較着重香味。
我因為長期做運動，腳踭好容易同鞋襪磨損，所以長期都出現龜裂情況，甚至有時會出血
一接到呢個使用產品，就立刻帶範圍使用喺腳踭位置，大家明顯從圖片見到，一下子已經成功長期龜裂腳踭變得潤滑！


另一張圖片係我隔咗兩小時後再拍攝嘅腳踭情況，雖然明顯見到皮膚紋路出現返，都見到少許乾燥，不過都明顯見到比起未用產品嘅時候更加滋潤 平滑

另外唔知大家會唔會 係秋冬季特別容易敏感？尤其係沖完涼之後，皮膚又濕變乾，令到我好容易發癢。尤其是係關節位置，因此我都即刻大量使用產品，會感覺到皮膚面頭好似多咗一層薄膜保護。



不過最後要提提大家，產品成份當中係有添加香味的。雖然產品滋潤度對秋冬來說10分足夠，不過極度容易敏感，或者對香精較為敏感嘅朋友，就要留意配方