Vaseline

凡士林®特潤修護精華雪融霜

首先多謝 @cosme 抽中我試用凡士林特潤修護精華雪融霜，之前有用過凡士林嘅產品，體驗感都好好，所以我都好期待今次嘅試用體驗。

雪融霜有啲似雪糕啱啱好畢得入嘅質地，白色乳液狀，上手超易推，輕輕打幾個圈，真係好似雪融咁吸收左，會感覺到皮膚表面形成左一層好薄好細膩嘅保護層，但又唔會痴笠笠。我本身膚質混合偏乾，呢排容易起乾紋同癢，夜晚塗完雪融霜，第二朝起身都唔會覺得癢，保濕程度一流，日頭塗薄薄一層，係冷氣房都keep到大半日嘅效果。

包裝係一大罐，打開用鋁箔紙封住，密封設計令人安心，就算用來厚敷做面膜、手膜都唔肉赤，用落都無過敏情況出現，值得推薦。之前用凡士林其他保濕產品，雖然好用，但普遍質地比較厚重感覺有啲笠，呢款雪融霜完全唔會，個人會再回購。