Hair Recipe

防脫黑米瓶洗髮露

首先多謝@Cosme 俾我呢個試用機會，我好期待，因為真係有需要。

首先講個包裝，的確幾特別，幾吸引，可惜對我黎講就係敗係包裝，因為我會放係浴室裏面用，所以不時會有水濺到個樽，唔知係咪因為咁樣，佢個底部就要少少滲漏，開頭唔知仲以為屋企人喺浴缸瀨尿，最後先發現原來係個樽流出啲黃色液體，而且有少少染色，用完要清潔浴缸，感覺有少少麻煩。

講返個產品，本身佢質地唔錯，顏色呈深黃色至橙色，有少少人造花香味，但唔持久，頭髮洗完的確順滑咗冇打結。

總括嚟講，敗筆之處就係包裝，其他冇乜特別挑剔！