Hair Recipe

防脫黑米瓶洗髮露

感謝@cosme抽中，可以試用Hair Recipe防脫黑米瓶洗頭水。幾鐘意佢嘅設計：開口喺底部，比起泵裝更能用盡成支洗頭水，唔會去到最後好難用得晒。

洗頭水係透明琥珀色gel狀，印象中Hair Recipe呢個品牌喺產品香味呢方面都幾出眾，呢款係帶有薑味同木本香，產品介紹有柑橘、薰衣草、雪松木香味，香味都幾中性，女士男士都適合使用。洗髮嘅時候都容易起泡，洗完感覺頭皮都好清爽。

呢款洗頭水主打鞏固髮根、防脫髮功效。隨住年紀漸長，好似唔係好養到把頭髮，洗髮、吹頭都會甩唔少頭髮。試用咗一段時間之後，洗頭嘅時候發現甩少咗頭髮，而吹完頭覺得頭髮有種光澤感，效果唔錯。