ELIXIR

高純維 A 重點膠原抗皺霜

【高純維A重點膠原抗皺霜】
（主要搽眼底、額頭、虎紋位置）
15g $439

使用約3次（隔3日一次）：
眼底細紋輕微減少，皮膚變得柔滑，不過化妝後乾紋仍然可見，額頭抬頭紋及虎紋未見改善。

使用約6次（隔2日一次）：
可能Retinol A成份偏重，除額頭抬頭紋效果唔明顯外，其他位置皮膚使用兩三次後都開始逐漸變乾，眼底位置乾紋增加得最厲害，虎紋亦不見改善，完全冇減淡。
眼底及虎紋位置可能因Retinol A成份太強，皮膚變薄，使用約10-12日後，皮膚經過全日表情郁動，例如說話、進食、笑等，竟然出現血點。起初以為係化妝品甩碎碎，但手指捽落發現係濕的，研究一番後發現係皮膚上（可能毛孔或表皮）有一點點嘅位置滲血，應該係皮膚變薄後，表情扯開較近毛孔下嘅血管，導致出現血點。

整體：
唔適合皮膚偏薄嘅人，即使按指示，相隔2-3先用一次，皮膚耐受性都增加唔到，有機會如果相隔1星期先用一次可能會好啲。但測試期過後、皮膚復原前應該唔會再用，之後要按皮膚狀況考慮。
但如果本身角質層偏厚、或皮膚對Retinol耐受性較強的話，根據頭幾次使用嘅效果，應該係可以減淡眼紋。