ELIXIR

高純維 A 重點膠原抗皺霜

今次好感謝@COSME ，先有機會試用ELIXIR「高純維A重點膠原抗皺霜」。本身試用呢支高純維A之前，其實一直keep住用Celimax The Vita-A Retinol Shot Tightening Serum嚟改善抬頭紋同眼底眼尾細紋，覺得好有感，一直覺得A醇有用，所以今次能夠有機會用ELIXIR「高純維A抗皺霜」，其實好期待。

用法：
將一粒珍珠大小嘅份量，塗抹落眼底或者像改善細紋嘅地方。我自己就像改善額頭兩條淡淡嘅抬頭紋、眼周細紋同埋頸紋，所以重點揸呢三個位，隔晚臨瞓前搽（護膚程序最後一個節目環節）。

質感：
白色乳霜狀，質地唔厚重，滋潤但唔算油膩，幾容易推開，吸收後唔會有黏笠感。

使用感：
每次用完瞓醒之後專登對住鏡笑，留意到眼周細紋、乾紋冇咁明顯 、額頭位置嘅抬頭紋都淡咗啲，同之前用開Celimax個支其實效果差唔多，不過ELIXIR呢支質地無咁笠就係真嘅。