MAYBELLINE

SUPERSTAY 超持久30H氣墊粉底霜

Maybelline 月光小忌廉 — KOL 吹捧得太勁？實際用落妝感偏厚兼易浮粉 🫠

質地：
一開始係見到好多 KOL 同網紅推介，話佢質地滑、上妝快先入手。
摸上手係幾 creamy 嘅，不過上臉之後發現佢轉粉嘅速度快到有啲難推得勻。
如果唔係好快手咁印開，好容易會有一噠噠嘅感覺，
觸感上雖然唔油，但會 feel 到有一層嘢遮住皮膚咁，唔算好舒服。

效果：
可以讚嘅係遮瑕力真係幾高，
基本上如果你想遮晒啲痘 印，佢係做得到嘅。
啱啱完妝嗰下，霧面感係幾強，
影相睇落好似磨咗皮咁，但現實中睇係幾厚妝。

缺點：
原本以為佢會好似廣告講到咁持久，但效果不如預期。
我用咗唔夠半日，個妝已經開始有啲甩，
最尷尬係佢氧化得幾明顯，原本揀啱嘅色號，過咗陣就變灰咗，成塊面睇落好攰。
加上持妝力一般，出咗少少油之後，粉體就開始同油脂分離，
鼻翼同眼底位出現咗卡粉同斑駁。
原本見 KOL 用得咁靚以為係神器，點知用喺自己臉上就好容浮粉，
體會唔到嗰種「SuperStay」嘅持久感，反而係要不停照鏡補妝orz

總結：名過其實，遮瑕力高但持妝同妝感都係一般
Maybelline 呢款粉底膏對我嚟講係失望嘅。
雖然遮瑕係夠，但妝感厚重得嚟又易暗沉，
加上持妝效果唔穩定，好容易造成底妝崩壞。
差唔多色嘅 包裝(粉紫色盒) ，我會prefer用clio
如果你追求細緻、持久嘅底妝，建議唔好因為 KOL 推介就衝動入手._.