TIRTIR

水鑽光感亮澤氣墊

呢款氣墊，我用完之後心情真係有啲複雜。
一開始上妝嘅時候，佢嗰種水光感真係好勁，一印落去成塊面即刻好似打咗燈咁，係嗰種韓妞追求嘅水亮效果，望落去皮膚好似浸喺水入面咁，保濕力亦都真係做得唔錯。
但係，佢最令我失望嘅係好顯毛孔。佢啲光澤感好似係喺你啲毛孔上面鑲咗邊咁，尤其係鼻翼兩側同面珠位，平時唔係好覺有毛孔，用完佢之後啲毛孔反而變得好明顯。同埋佢嘅粉質好似冇紅色嗰款咁貼，如果嗰日皮膚狀態唔係極好，啲粉會好似浮喺表面咁，仲有啲容易卡粉。
遮瑕度方面亦都比較弱，普通嘅暗瘡印都仲係見到，而且因為佢太過水亮，如果唔小心重手咗，成塊面會顯得好油膩，完全唔係嗰種高級嘅光澤感。對於我呢啲追求精緻妝感嘅人嚟講，呢款真係有啲扣分，雖然個水鑽包裝好閃好靚，但係顯毛孔同埋容易浮粉呢兩點真係令我唔會想再回購，下次都係用返紅色嗰款穩陣啲。