Bioré

瞬間極淨卸妝噴霧

首先感謝@cosme 抽中試用🙇🏻‍♀️ 我一向用開卸妝水 今次收到依個卸妝噴霧覺得好新奇～ 就咁望枝噴霧見到入面啲液體咁輕盈 我仲以為佢都係卸妝水 噴出嚟嘅範圍都幾大 唔會有噴咗”水柱”出嚟嘅問題👍🏻 佢無特別嘅香味 我自己覺得係普通卸妝油嘅味 所以都唔洗擔心會唔會好重香料嘅問題

第一次試用嘅時候我按照建議咁距離15-20cm 全面噴咗10下 一開眼見到全面都有卸妝油嘅同時 洗手盤嘅邊邊都充滿住卸妝油😅 連地下都有少少 (我係靠近洗手盤咁噴) 依方面就有些少澩嫪😅 比較適合平時會一邊沖涼一邊卸妝嘅女仔 就唔驚整到周圍都係～將卸妝油噴咗喺塊面之後我就照正常咁捽同過水 都算係卸得幾乾淨 塊面都唔會好乾👍🏻

第二次再用仍然都係整到洗手盤個邊都係 而依一次噴咗上面之後我無特別捽就直接過水 因為佢其中一個賣點係減少反覆搓揉 結果係唔捽嘅情況吓佢仍然卸走大部份底妝同眉妝 但係鼻翼位置嘅底妝 眼線同mascara就卸唔到👎🏻 依方面嘅效果就未必咁如理想 都係要捽先會卸得乾淨