Bioré

瞬間極淨卸妝噴霧

多謝@cosme今次嘅試用邀請。呢個瞬浮卸妝系列我本身都好鐘意，之前已經用完咗一支。今次仲出埋噴霧版，咁就一定要試用下。
呢個系列係我心目中嘅懶人卸妝代表作。我日常卸妝通常會卸好妝就直接沖涼，但呢支既然主打沖涼同時卸妝，就當然嘗試一下。
我嘅用法係首先噴十下喺面，然後都有捽一捽再沖水。直接講心得啦。
1. 噴頭好細緻，係完全冇水柱感嘅，噴十下對我嚟講係啱啱好又唔會多到滴落嚟，亦唔會強力到噴入眼。
2. 雖然官方話無需反覆搓揉，不過我都係習慣捽一捽，尤其係眼線位。沖水後都覺得係卸得乾淨。
3. 質地係係完全流動嘅油狀。我卸完嘅感覺係好易推，但由於比較鐘意完全清楚感，所以都會想洗多次面。
4.同上一代比起，由於噴嘅時候已經均勻噴咗喺面，所以係會避免咗喺手指之間一路滴走嘅尷尬。

整體感覺係有變得更加方便好用，香味都係淡淡嘅花香好容易接受。我覺得用完都係可以再回購嘅產品。