Bioré

瞬間極淨卸妝噴霧

我平時習慣係沖涼嗰陣一齊卸妝，順手又慳時間。卸眼妝就特別麻煩，要先用化妝棉浸滿卸妝液敷眼皮，再用棉花棒逐條睫毛慢慢掃，成個過程起碼十幾分鐘。

而家轉用 Biore 瞬間極淨卸妝噴霧，真係方便好多。質地好水感，一啲都唔油笠、唔黏手，噴出來又夠細霧，一噴落去妝即刻開始溶，粉底、腮紅、防水口紅都卸得好乾淨。眼妝方面，我而家會先輕輕噴喺化妝棉度，敷幾秒再擦，眼線、睫毛膏都可以一次搞掂，種咗睫毛都唔會被扯到亂晒。

最正係唔洗成日用手去按摩、推來推去，減少好多摩擦同拉扯，皮膚會舒服好多。沖涼時一噴一抹一沖就得，卸妝時間明顯縮短。卸完之後塊面唔乾唔繃，仲係有少少潤潤哋。

同一般卸妝油、卸妝水比起來，Biore 卸妝噴霧夠快夠方便，仲唔油、唔刺激。真心推介俾鍾意慳時間、又種咗睫毛嘅姊妹。