Bioré

瞬間極淨卸妝噴霧

平日返工都要化全妝見人，但放工返到屋企已經攰到隻狗咁，然後卸妝又要用棉花抹、再慢慢乳化，搞一大輪先沖得涼。加上我係混合性皮膚兼顴骨位容易敏感，以前用卸妝油好易出暗瘡，太用力摔塊面又會紅晒起粒粒。

今次試用呢支 Bioré 瞬間極淨卸妝噴霧，輕 鬆！真 係 輕 鬆！佢主打「Hands-Free」真係無呃人。我跟住教學喺沖涼嗰陣用，直接噴勻成塊面，啲噴霧好細緻均勻，噴落去涼涼地幾舒服，少少油膩感，但完全無拿眼嘅感覺。最神奇係等一陣，真係見到啲粉底同眼線自己「浮」咗出嚟！連我平時最頭痕嘅防水睫毛膏，噴多兩下都溶得七七八八，唔駛好似以前咁摔，減少咗好多對眼周皮膚嘅拉扯。

沖完水嗰陣感覺好爽，好易洗乾淨。過完水塊面感覺好透氣，唔會有層油膜黐住嘅感覺，摸落去係乾淨嘅，但又唔會乾到崩緊，保濕度啱啱好。
總括嚟講，呢支嘢真係慳返好多時間，特別係可以利用沖涼熱氣蒸開毛孔一次過搞掂，勁方便！我未試之前都抱住挑戰嘅心態覺得免摔點卸妝，但原來真係得㗎！Recommended！👍🏻