SOFINA iP

全效透潤調肌精華液

感謝@cosme 邀請試用SOFINA iP新推出嘅全效透潤調肌精華液💧

一直都有用開Sofina iP系列嘅產品，好適合敏感肌嘅我，今次呢枝新出嘅全效透潤調肌精華液都唔例外！呢枝精華液主打可以同時抗糖減黃、抗斑、保濕，亦都有甘草酸二鉀可以抗炎嘅成份改善肌膚泛紅🩵精華液嘅質地好輕盈好易推開，配合按摩好快就吸收晒，用完塊面即時嘅感覺好水潤但唔會覺得厚重✨Sofina iP系列全部產品都有一陣淡淡清新嘅香味，用落嘅感覺好舒服~

最近作息時間比較唔穩定，自己又鐘意食甜品，皮膚好易有泛黃暗沉嘅問題。天氣下降變得乾燥亦令皮膚變乾成日甩皮😣用咗Sofina iP呢枝精華液一段時間之後皮膚各方面嘅問題都有改善！皮膚明顯比之前有光澤同白咗，改善咗泛黃問題，塊面都少咗泛紅發炎嘅情況，肌膚柔嫩咗，整體皮膚都穩定咗好多🥰非常推薦同我一樣有敏感肌嘅入手呢枝全效透潤調肌精華液！轉季必備🙌🏻

保濕度：⭐️⭐️⭐️⭐️⭐️
去黃提亮：⭐️⭐️⭐️⭐️
光澤感：⭐️⭐️⭐️
透薄度：⭐️⭐️⭐️⭐️
改善泛紅：⭐️⭐️⭐️