SOFINA Ange

控油持妝隔離底霜 SPF16 PA++ (全新升級)

感謝@cosme邀請試用Sofina全新升級版控油持妝隔離底霜～

Sofina嘅控油持妝隔離底霜一直都用咗好多年，即使夏天嘅時候仍然可以keep住控油，個妝可以長達十幾小時都唔會溶妝，已經回購過好多支。冇諗到佢而家仲推出全新升級版！

升級版嘅底霜以輕盈水感控油配方，令到喺極端天氣環境之下，仍然可以唔脫妝嘅同時可以打造自然嘅水光肌。質地舒適清爽而且水潤觸感清爽唔黏膩，能夠防止脫妝之餘，亦可以防止出油而 造成嘅暗沉，將油光轉為自然光澤。今次我試用嘅顏色為橙色，能夠修飾暗沉暗黃，而且亦有其餘兩隻色為粉紅色同綠色，可以修飾膚色不均同泛紅肌膚，可以因應返唔同膚色需要選擇返相同嘅顏色。

試用咗呢款升級版底霜之後，質地比以往更水潤輕瑩，而且容易推開，而且底妝更加持久同貼服，就算天氣凍嘅日子仍然可以打造出自然光澤，而且亦都有效修飾皮膚暗沉嘅位置，整體嚟講我會繼續回購呢款升級版嘅底霜～