SOFINA Ange

控油持妝隔離底霜 SPF16 PA++ (全新升級)

之前一直用開呢個牌子嘅底霜，牙膏狀嗰款，覺得用完唔會黐笠笠，不過感覺就有少少厚。今次試到佢新出嘅底霜， 唧上手嗰陣feel到好水潤，好易推開，而且快吸收，摸上去好似冇搽野咁。

不過上面就有啲分別，可能同我平時用開嘅面霜有啲打交，所以個妝反而會冇平時咁貼。如果再等耐少少，等面霜完全吸收先上底霜就好啲，又或者要用啲比較清爽嘅面霜。

如果單上底霜嘅話，佢均勻膚色個效果會冇咁明顯，始終佢真係好薄，懶嘅話唔想化妝，淨係用佢就一般般，不過化埋妝之後係睇得出個效果。

我出咗一日街又唔覺佢好明顯令到我冇咁易溶妝，不過用咗佢感覺上比平時底霜保濕，皮膚冇咁易出油。整體嚟講都ok嘅，正正常常。