M.A.C

輕吻雲霧保濕唇膏

MAC 全新 Powder Kiss 輕吻雲霧保濕唇膏, 重點係雲霧感妝效同保濕度。上嘴之後會有柔焦嘅啞緻效果,
質地好輕, 推開好順滑，幾下就可以均勻上色，連本身有少少色素沉澱嘅嘴唇，都可以覆蓋到原本唇色。

上完之後唇紋會被柔焦咗，睇落平滑咗，唔會即刻卡喺紋理位起屑，啞光但仲保留到少少水潤感。
保濕方面都幾有驚喜，一開始已經感覺到有層薄薄保護膜咁包住，唔係笠同黏腍嗰種，而係軟熟舒服。過一陣唇部都冇變得乾緊，唔需要不停補潤唇膏。

以一支啞光質地嘅唇膏嚟講，鎖水同舒緩乾敏方面算係做得幾好。
今次試咗三隻皇牌色：
• Mull It Over (314)：偏暖嘅奶茶杏色，日常素顏或者返工用都好安全，帶少少雲霧感會令氣色好咗又唔會太 sharp。
• Devoted To Chili (316)：經典辣椒紅調，薄塗係氣質紅棕，厚塗就好有氣場，約會或者需要精神面貌好啲嘅場合好啱。
• Moving On Up (909)：偏珊瑚又帶少少橙調，妝感比較活潑，假日出街、見朋友或者影相都好出色，但唔會過份深色~

整體感覺，唔容易甩色之餘，唇紋唔會被放大，長時間戴住都唔覺得乾。妝效係雲霧啞緻，但帶少少柔焦光澤，出嚟係比較雅致、低調嘅感覺，適合想要有氣色又唔想太高調嘅日常妝同上班妝。如果平時對啞光唇膏有陰影（覺得乾、顯紋），呢個系列可以一試。