DECORTÉ

WHITELOGIST 截黑美白精華 (第8代)

首先要多謝 @cosme 送出 WHITELOGIST 截黑美白精華 🤍
本身我對美白類精華都幾有興趣，但又唔想用太刺激嘅成分～今次可以試到含麴酸又適合醫美後使用嘅產品，期待值好高🫶

我係屬於混合偏油肌，皮膚有時會偏蠟黃同暗沉，色素沉澱比較慢散，痘印要好耐先退😮‍💨
另外油水又有啲失衡，T字位易出油但兩頰有時又偏乾，整體光澤感唔多，膚色唔夠透亮。

呢款 WHITELOGIST 截黑美白精華 主打改善色斑、蠟黃暗沉同乾燥嘅問題✨
適合首次嘗試麴酸類美白精華嘅人，而且仲有肌底煥光因子協同作用，幫手抑制黑色素、防止色斑雀斑形成。
佢用嘅 離子體膠囊滲透科技 可以提升活性成分嘅穩定性同滲透力，將亮白效果帶入角質層每個角落🤍
除咗美白，佢仲可以強化皮膚屏障、改善乾燥、調理水油、令肌膚更緊緻同柔嫩，得意嘅係醫美後都可以用，做修護＋預防新斑生成都得👌
質地方面係輕透水感，全年每日使用都無壓力，延展性高同易吸收。

用喺我自己身上，最先感受到嘅係佢質地真係好水感💧延展性好高，吸收快又唔黏，層疊其他護膚都唔起泥。
持續用咗一段時間後，皮膚整體嘅暗沉感同蠟黃感有改善，睇落透亮咗、有光感咗，痘印都有慢慢淡返～
膚色均勻度提升咗，乾燥同粗糙感都有改善，觸感更滑、更細緻，水油平衡比之前更穩定，肌膚狀態睇落健康咗🤍
如果你有做醫美，呢款精華係屬於嗰種可以溫和修護同防止新色素形成嘅類型，用落安心唔刺激。

總結嚟講 🤍
如果你係想入手一支
✔ 初次接觸麴酸
✔ 想改善蠟黃＋暗沉＋痘印
✔ 想提升膚色均勻＋透亮感
✔ 又需要保濕＋穩定膚況
✔ 醫美後都想照用嘅精華

呢支 WHITELOGIST 截黑美白精華 係一支幾全面又溫和嘅選擇。
我自己會繼續用落去，期待長期使用後更加透亮嘅效果✨🤍