DECORTÉ

WHITELOGIST 1.8倍高濃度截黑美白精華

自細就同白雪雪嘅皮膚無緣，媽咪皮膚白雪雪，但喺爸爸嘅強力遺傳下，我就同爸爸一樣黃咁咁👨‍🦰👩細個嗰陣不停追求美白，用過無數咁多美白產品，有啲產品冇用，有啲有用但係又好易敏感。細個嗰陣希望一白遮三醜，到而家已經踏入三字頭，工作太忙，對美白已經半放棄狀態，除左日常保養外，都冇再特登去用美白產品。

今次試用DECORTE嘅WHITELOGIST 1.8倍高濃度截黑美白精華，睇下可唔可以實現我一白遮三醜嘅美白夢想👍精華質地非常水潤，上手可以睇到流動性好高，有淡淡香味，非常易吸收，唔洗1分鐘就吸收哂，一啲都唔笠。

本身皮膚又黃又暗，又乾燥缺水。用左1晚已經有感，皮膚即時覺得水潤透亮。繼續keep住用左2個星期，個人覺得效果好明顯。膚色明顯白左2度，皮膚變得有光澤感同埋緊致左。呢枝精華唔單止美白勁，保濕力一樣咁勁，又快吸收，用完上妝都貼服左好多，鼻翼額頭都冇再卡粉，用完亦都冇敏感。另一樣重點係呢枝精華可以淡化到皮膚嘅痘印。Before圖可以見到我嘅面頰有粒好深色嘅痘痘印，已經接近3個月都退唔到。而精華中嘅麴酸成份成功幫我減淡左粒痘印，痘痘印淺色左好多，好開心🥰 大推👍👍👍