DECORTÉ

WHITELOGIST 1.8倍高濃度截黑美白精華

首先講吓自己嘅皮膚狀況，我係混合性乾燥肌。個鼻會有少少出油，但係兩邊面基本上都係乾到飛起。 冬天仲有時會有啲甩皮。大家可以見到我顴骨位仲會有啲曬出嚟嘅雀斑。

呢支美白精華嘅質地初初上臉有少少黏，對於乾肌嘅我黎講係最愛嘅黏度，非常適合乾燥嘅冬天用，使用感受十分良好。之後就好快吸收晒，然後塊面會保持一種飽滿有光澤嘅狀態。同埋雖然佢係美白精華，佢嘅保濕亦都非常之好！喺試用期間我去咗五日韓國，講緊係-10度，酒店亦都非常之乾，我早晚都淨係搽佢同埋cerave嘅面霜，點知完全係冇甩皮！超級正！！！

以下係我由1月16日早晚使用至1月31日嘅對比圖：
16/1:31/1:
老實講 雀斑冇明顯嘅變化，但膚色的確係均勻左，同埋用左塊面係keep住飽滿有光澤，我覺得佢上臉嘅使用感受，香味，質地都好好，都好保濕，所以係值得繼續使用。期望啲雀斑都可以慢慢變淡。我覺得有興趣嘅姊妹特別係希望有保濕又有美白成份嘅需要，可以試吓呢支精華。