DECORTÉ

WHITELOGIST 麴酸速效美白精華面膜

近年敷美白面膜嘅次數真心寥寥可數，因為敷完之後皮膚雖然望落白左，但有時都比較死白、唔自然。不過DECORTÉ即將上市嘅WHITELOGIST麴酸速效美白精華面膜就幾吸引到我，呢款面膜主打密封導入高濃度「麴酸」，濃度係品牌旗下面膜歷來最高，淨白效果更加比以往嘅面膜高出2.5倍。


「麴酸」係分子結構極細嘅美白成分，能夠有效滲透到皮膚角質層，深入肌底「截黑」，由源頭阻截黑色素形成。一塊DECORTÉ速效美白精華面膜已經有30ml嘅麴酸美白精華，等同將一支美白精華敷左上面一樣奢侈。



最有驚喜嘅就係呢款面膜「毫米精準度」嘅剪裁設計，坊間有啲面膜為求貼面，薄到好易痴埋一舊舊，非常難攤開敷上面；而DECORTÉ速效美白精華面膜有少少厚度，但仍然做到「極致貼膚感」，面膜右上角有一個突起嘅位置，方便你分辨面膜嘅前、後（相信會影響貼合度），眼周、鼻翼、咀唇周邊都有特別嘅切口，令成塊面膜更加緊貼皮膚。



「速效」亦係呢款面膜嘅一大亮點，只需要敷10分鐘，就可以feel到塊面有飲飽水嘅感覺，面上亦唔會殘留過多嘅精華液，淨係用手輕輕打圈按摩，已經好快吸收晒。敷完之後見到膚色變得更加乾淨、有透明感，白皙度亦明顯提高，無咁灰灰暗暗。

如果話同系列嘅截黑美白精華係「日常維護」，DECORTÉ速效美白精華面膜就可以作為化妝前迅速保濕、提亮膚色嘅「急救神器」！