DECORTÉ

WHITELOGIST 麴酸速效美白精華面膜

多謝@cosme 抽中我參與黛珂第8代新升級 WHITELOGIST 截黑美白面膜測評活動，我對美白產品真系超有興趣。

呢個面膜外包裝係銀色漸變，望落去高級感滿分。打開袋入面精華都幾多，拿出mask時精華真系會滴落，面膜紙本身不算太薄，有少少厚度，貼面度都算唔錯，鼻翼同嘴角位都貼得實。不過依家冬天用，我覺得呢個精華係偏清爽嘅質地，敷完即刻冇乾繃繃嘅感覺，但過一兩個鐘後，T字位以外嘅乾燥位又會開始覺得有啲緊，保濕力始終唔夠應付依家呢啲乾到裂嘅天氣。我會用美容儀加強吸收，然後我會再補加一個面霜。

至於提亮效果，敷完一次會覺得塊面少少通透咗啲，但暗沉冇即時退散，以及色斑仲係原樣，無太大變化，始終呢啲美白面膜都要持之以恆先會見效，一次半次實在睇唔到大變化。第二日朝早洗面後變化唔算太大。

整體嚟講，呢塊面膜適合轉季或者夏天用，但冬天用嘅話就要補返層厚面霜先夠力。如果想改善膚色，建議要連續敷先會有驚喜。