Dior

完美活能超效活氧緊緻豐潤乳霜

知道呢個系列嘅精華超好用，但未想到面霜都一樣驚艷！
BA同我講呢款面霜嘅成份都好講究，92%成份源自天然。緊塑複合成分強化滲透，做到內外雙重修復平滑肌膚，令皮膚更細緻；加上雙重透明質酸，可以令肌膚時刻保持水潤，持續保濕長達24小時，6小時內強化肌膚屏障。

呢款乳霜質地好豐盈，但一推開就溶入皮膚，完全唔會覺得油膩或者笠，舒服安心嘅滋潤感滿滿。氣味方面，係大牌子嘅高級香，搽嗰陣好放鬆。用咗一排，皮膚觸感滑咗，毛孔望落細緻少少，細紋都淡左，皮膚都冇咁易泛紅。

我由舊款開始入手，到而家用緊佢哋新包裝。姊妹們如果想抗初老，我覺得Dior活氧緊緻豐潤系列係不二之選！如果想搵一瓶滋潤得嚟又唔厚重嘅抗初老乳霜，呢個值得一試。整體嚟講，雖然價錢唔算親民，但抗老+穩定皮膚效果真心唔錯，會一直回購～✨