SUQQU

晶采艷澤粉底液e

一直都聽講Suqqu嘅粉底好好用 ，今次終於有幸可以試用，不得不說俾咁多人大推唔係冇原因。有光澤感嘅樽身，對應返光澤型嘅粉底，係有份量有質感嘅玻璃樽。入面係唧唧泵頭，方便易用。 ✅顏色均勻延展性高
升級版嘅晶采 艷澤粉底液e，主打高亮度油分，呈現水潤有遮瑕力嘅光澤感妝容。喺皮膚上面好滑容易推開， 顏色可以好均勻咁平鋪喺皮膚上面。 ✅近乎無氧化
我揀嘅係中性色調最淺嘅105號，比我本身嘅膚色白，但用佢搽喺面部中央 可以好自然 咁提亮，能夠融合到我本身嘅膚色。氧化方面，佢只有少少變深色，完全係可接受程度。

✅滋潤有光澤
我本身係混合性乾肌，佢嘅滋潤度對我啱啱好。遮瑕度方面屬於中等，做到均勻膚色，但色斑同黑眼圈要另外用遮瑕膏遮。搽完之後，明顯見到皮膚好似好光滑，好似天生皮膚好好咁有光澤感，以潤澤型粉底嚟講唔算太厚重。如果嫌就咁用手指搽油光感太重，可以再用海綿印壓，就會變成光澤感 素肌，都好靚。✅修飾毛孔
喺相可以見到佢幫我填平咗面嘅毛孔，再自帶貴氣光澤，如果用碎粉定埋妝就顯得皮膚超級光滑。
帶妝8個鐘之後，底妝整體完整，鼻翼兩側出油位置有溶妝，印走補返粉就ok變返靚喇。

香港又濕又熱，我會推介乾肌嘅朋友用，中性至混乾就可能喺濕度冇咁高嘅日子用會好啲。