SUQQU

晶采艷澤粉底液e

多謝這呢次嘅試用機會，等我親身體驗到SUQQU晶采艷澤粉底液e，呢個牌子一啲都唔陌生，好出名但我一直都無試過，今次嘅試用機會終於知道點解咁多人推薦！

呢款粉底液質地好滑好順，佢嘅延展性超高，輕輕一推就已經好均勻，好似佢哋介紹咁話，係「平面」咁延展開，唔會一撻撻。上面嗰陣基本上唔使咩技巧就推到好靚，同皮膚好貼，完全冇粉感，感覺好輕盈好舒服。我用手指推開，再用粉底撲薄薄上妝已經好均勻，撳一下就夠薄薄哋均勻搽勻全塊面，，如果暗瘡或者瑕疵位想再遮多啲，疊多一層都遮得好好，完全唔會厚粉。

妝效方面，個光澤度係日系底妝嗰種高級光澤感，由底層透出嚟，唔係會好黏笠個種水光感，唔會頭髮都痴住塊臉，有光澤得黎唔笠！妝感好水潤、唔卡粉，就算喺香港呢啲濕到爆嘅天氣，都一樣hold得住，時間耐咗都只係微微出油，個妝都仲好完整，冇乜點暗沉。而且遮瑕度都幾夠，可以修飾到暗沉同膚色不均，但又唔會顯得厚重，好自然。

喺保濕同控油之間，呢款粉底液做得幾平衡。佢入面有好多保濕成分，令皮膚長時間都keep住水潤，就算喺冷氣房或者換季嘅時候用都唔覺得乾。好似我呢啲T字位易出油、兩邊面珠就偏乾嘅混合肌，用起上嚟啱啱好。全日落嚟，得鼻翼兩邊會少少出油，但冇甩妝或者一撻撻，成個妝仲keep得幾靚。

同我之前用開嘅粉底相比，最大分別就係「保濕同持久度」。以前用過嘅粉底，啱啱上妝嗰陣好靚，但去到夜晚，鼻翼同下巴位就會開始甩妝、一撻撻。但SUQQU呢款，就算成日落嚟，個妝都同啱啱上完差唔多，只係少少出油咁，完全唔會甩到一撻撻，呢點我真係超滿意！

連續用咗一個禮拜，皮膚都仲好穩定，冇生粉刺或者暗瘡，證明佢入面嗰13種日本國產植萃精華真係有料到！俾到你靚妝之餘，仲照顧埋你嘅皮膚，真係一支用得好安心嘅粉底液～