SUQQU

晶采艷澤粉底液e

多謝 @cosme 同 SUQQU 抽中試用 SUQQU 晶采艷澤粉底液😍😍😍好開心呀！聽朋友講呢個牌子好用，想試好耐啦！
一收到即刻試下先~ 一吱出黎，質地睇落偏厚，以為好難推。點知一上臉完全改觀！😮一搽上去就好易推得開，延展性好高，推開過程好滑，感覺好似絲咁滑！！（心裏面驚呼左一下😂）非常貼臉，亦冇浮粉問題。呢支粉底液輕易遮蓋毛孔，睇落皮膚好滑好靚😍😍
妝感方面我覺得佢好輕盈透薄，好自然、唔會好似戴左面具咁。成個底妝唔會乾、冇脱皮，保濕做得好好。最值得讚係冇卡粉，整體好舒服、好貼、好透氣👍🏻👍🏻👍🏻 薄薄一層，妝前同妝後嘅感覺都好明顯：妝後膚色更均勻，光澤度高，有日系妝感。遮瑕方面，泛紅遮得幾好，雀斑位亦有遮到；但遮暗瘡印就比較弱。如果你係痘痘肌，可能未必遮蓋到瑕疵。

帶妝大約5小時之後，個妝冇氧化，亦唔會變暗沉，T字位會有少少溶化，不過唔算嚴重。卸妝容易，亦冇覺得會堵塞毛孔。

我試用既係105號色，睇落非常之自然。用咗一星期之後，我覺得暗粒少左，皮膚狀況整體更乾淨同更靚。相對我平時用開嘅粉底，佢最明顯嘅差異係：保濕度更高、更透薄更舒服、冇咁易氧化。但遮暗瘡印就比較弱。

總括嚟講，想要輕盈透薄、保濕度高又自然光澤底妝嘅人，就要試下SUQQU 晶采艷澤粉底液啦❤️❤️😍🫶🏻