ADDICTION

柔光幻影唇彩

色號#011 suggestive
透明色

呢款上嘴質地好有驚喜，同以住光澤型唇彩嘅黏膩唔同，addiction呢款上唇感覺好輕盈透薄，唔會有黏立感，係舒服清爽型嘅唇彩。 唇彩嘅光澤感好細緻，輕輕一層已經有玻璃唇效果。

保濕度都好滿意，搽第一層已經有撫平唇紋，即時已經感到受到佢嘅滋潤度，完全唔會突顯死皮、glossy效果都好靚，所以連011號透明色都做到修飾唇況、飽滿唇形作用。好鍾意佢就算食完飯已經甩妝嘅情況下，仍然感受到雙唇係飲飽水好保濕 。

011號色係透明色，個人習慣會係淡妝情況下單搽使用，即使唔疊加其他顏色都可以突顯自然清透感，同埋令咀唇更加飽滿。

另外都好適合配合一啲啞色唇膏變成今季最流行嘅glossy妝效，addiction嘅質地好容易blend in，更加可以增加滋潤度，修飾啞色唇膏較容易突顯嘅唇紋，係做top coat好好嘅選擇。