HiROSOPHY

櫻花米麴面膜 II

Hirosophy 櫻花米麴面膜 II

好開心抽中咗呢款面膜嘅試用，由於我長期受暗瘡、暗瘡印困擾 (混油肌)，見到佢成分有積雪草同茶樹覺得好啱用，試用咗幾日同大家分享下真實感受。

【質地】
面膜紙裁剪得幾特別，佢旁邊有凸起嘅部分，可以一拎就展開。面膜紙質地軟熟，剪裁符合亞洲人面型，對準眼鼻之後連下巴位置都可以輕輕向上提拉貼服。對我嚟講呢款mask 個size 啱啱好好貼服。精華液質地屬於清爽水潤型，唔黏膩，精華分量唔算多但以敷20 分鐘嚟講張mask嘅濕潤程度算係啱啱好，精華都有滲透，㩒幾下就吸收晒。

【效果】
由於我本身啲暗瘡印比較頑固，用咗幾日老實講美白或者去印效果就未算好顯著，可能需要再持久啲先睇到淡化暗瘡印嘅變化。

不過佢喺穩定肌膚同保濕方面就表現得幾好。敷完之後原本因為起暗瘡而泛紅嘅皮膚有明顯被修復同舒緩到，塊臉即時退紅，摸落去都細嫩、有彈性咗。保濕鎖水力好足夠，訓覺吹咗成晚冷氣第二日朝早起身都唔算多油，水油平衡做得幾好，同埋keep 到水潤感，而且對我嚟講 最重要係用完都冇引起新嘅暗瘡。

【總結】
整體嚟講，呢款mask適合 換季或者皮膚狀態不穩嘅人用。雖然佢喺亮白去印上見效較慢，但作為一款針對乾燥、環境刺激而出神仙救兵嘅調理保濕面膜，佢嘅舒緩效果同清爽質地對混油暗瘡肌嚟講幾友善，日常一星期敷 2 至 3 次，當作穩定膚況嘅基礎護理，性價比幾高。雖然今次係試用品，但用落效果ok 加上我冇點試過真心好用有感嘅mask，我諗我可能會回購呢款masm。