HiROSOPHY

櫻花米麴面膜 II

多謝@Cosme 抽中比我試到依款Hirosophy 櫻花米麴面膜 II，先講吓面膜紙質地柔軟，而且上面帶有輕微剪裁部份方便搣開令到更加貼面，精華份量剛好 屬於偏流質，但水潤之餘完全不黏笠，剩餘精華就用嚟搽頸部。

我本身係混合性偏油肌、鼻翼容易泛紅同埋有痘印，剛好依幾日冒出幾粒痘痘，成份中嘅 積雪草（CICA）與茶樹葉萃取物，已經令痘痘減退部份紅腫，穩定皮膚之餘，仲預防痘痘再次惡化。


用咗幾次之後皮膚變得透亮有光澤 ，加上有維他命C衍生物同穀胱甘肽，連痘印淡化不少；面膜保濕度持久，尤其忽冷忽熱的環境，皮膚容易有「冷氣肌」問題，幫忙舒緩乾燥帶來不適感，後續上妝都更加貼服持久。


總結：整體依款面膜可以一次滿足控油、消紅、去印與保濕的修護需求。質地水潤貼合，能有效穩定肌膚、提升光澤，並解決轉季乾燥問題。