HiROSOPHY

櫻花米麴面膜 II

好開心cosme抽中我試用Hirosophy 櫻花米麴面膜 II，多謝 @Cosme & @Hirosophy 🙏🏼💕

Hirosophy櫻花米麴面膜 II一盒6片，我大概兩至三日左右就會敷一次mask，一共連續試咗兩個星期，效果都幾好幾滿意❤️

Hirosophy櫻花米麴面膜 II係升級版新一個version嘅面膜，用咗全新嘅升級配方：調理、亮白、保濕三合一，添加積雪草及茶樹葉萃取物，雙重配方針對容易因乾燥、環境刺激而出現不穩定狀態嘅肌膚提供溫和調理，改善粗糙感及預防痘痘問題，而且加入多種維他命C衍生物及穀胱甘肽 成分，提升透亮感，讓肌膚變得更均勻、更有透明感及散發健康光澤，重要蘊含多重保濕精華，層層補充肌膚所需水分，深層補充潤澤，讓肌膚維持柔嫩水潤觸感。

一打開包裝就聞到一陣好天然嘅米香味，同時帶有微微櫻花香，令人感覺好relax、好natural！面膜係比較薄身嘅棉質紙，但係紙質都幾堅韌，唔會好容易就搣爛，而且剪裁好貼心，好貼合亞洲人嘅面型，就連鼻翼位同下巴位都好貼服，精華更容易均勻滲透入全塊面嘅每一寸肌膚！😍

面膜嘅精華質地唔算太黏稠，潤而不膩，所以都唔會好黏笠，感覺到滿滿嘅滋潤感但又幾清爽，適合宜家悶熱嘅天氣用！敷完之後可以即時見到皮膚好似飲飽水咁樣脹卜卜水潤、有光澤，就算第二日肌膚仍然能夠保持滋潤鎖水嘅狀態。拎完塊面膜出嚟之後，個袋仲有精華喺入面，足夠搽埋頸部同雙手添！持續使用咗兩個星期後，膚質明顯得到改善，肌膚唔再粗糙，變得更平滑柔嫩、更水潤亮澤！整體而言，膚況更穩定，肌膚更水潤透亮！❤️ 面膜成分天然，就連敏感肌都好啱用，而我喺試用嘅過程中並未過敏反應出現🫡