Curél

碳酸泡沫精華

試用程度：連續使用八日，日夜使用；試用期間天氣忽冷忽熱，逐轉潮濕，當中有一兩日因外在環境因素而過敏。
試用時有搭配同系列洗臉使用。

容器：●●●●○○○
按壓頭有虛位，按壓時間中會歪埋一邊，雖不影響使用但手感欠佳。
氣味及質地：●●●●●●○
第一次使用時有刺鼻似酒精嘅氣味，而且上臉時有刺痛感，可能存放期間二氧化碳發酵？但之後就冇再出現過同樣問題，建議敏感肌可以開第一次時就咁唧走佢唔用。
氣味微香，泡沫豐盛，會因為望住佢唧出嚟好有滿足感而容易唧得過多份量🙈
泡泡好堅挺，hold大概五分鐘都只會塌少少，使用時會feel到充足立體感嘅泡抹按上塊臉嘅輕微按摩效果。
吸收後有個似有還無嘅膜感存在，但唔會焗身/堵塞毛孔。

成分：●●●●●●○
成分表中排第一嘅係Dipotassium Glycyrrhizinate (甘草酸鉀)，用於鎮靜消炎同抗敏，感覺亦係全支精華嘅重點成分，另外亦有配合甘油作保濕輔助用。
另外見到ヘキサデシロキシPGヒドロキシエチルヘキサデカナミド成分，排於碳酸之後防腐劑之前，查閱後發現係花王專利嘅類神經神經醯胺，都相信有穩定膚況嘅功效，不過就唔了解排到咁後個濃度係咪有效。

效果：●●●●●●●
十分滿意佢穩定皮膚嘅功效！因為天氣變化大而且濕度高，加上外部環境刺激，本身預咗臉會紅腫痕番幾日，但早晚使用後其實發作後within一日就已經有舒緩咗嘅感覺，亦逐漸退到紅。
膚色有稍微變均勻，但未明顯可見到有提亮。

結論及建議：●●●●●●○
同同系列支洗臉一樣：好物無伏👍，記得開封時第一泵泡泡唧走唔要就完美了。剛唧出時，可見泡沫豐盈及堅挺程度放置三分鐘後放置五分鐘後