Curél

碳酸泡沫潔面乳

試用程度：連續使用八日，只於夜晚使用；試用期間天氣忽冷忽熱，逐轉潮濕，當中有一兩日因外在環境因素而過敏。
試用時有搭配同系列精華使用。

容器：●●●●●●○
鋁罐外樽樣子同手感都靚，壓頭順滑易按唔會浮。不過體積比一般碳酸洗臉稍大，如果洗手間空間有限嘅可能會介意。

氣味及質地：●●●●●○○
第一次使用時有刺鼻似酒精嘅氣味，而且上臉時有刺痛感，可能存放期間二氧化碳發酵？但之後就冇再出現過同樣問題，所以建議敏感肌可以開第一次時就咁唧走佢唔用。
氣味微香，質地因為碳酸嘅關係唧出時好豐盛！望住佢唧一泡出嚟好開心😂
上臉後會feel到泡泡消失得快，但按上臉時仍然有微微黏稠嘅滑溜感。
洗完臉後無乾緊/有層嘢嘅感覺，舒服柔軟。
文末會附上相片可以睇睇佢質地

成分：●●●●●●○
成分表中排第一已經係Dipotassium Glycyrrhizinate (甘草酸鉀)，用於鎮靜消炎同抗敏，令人覺得好有誠意❤️︎
同時間成分中含有矽靈，應該係為咗控制質地，同短暫地令人有皮膚變柔軟嘅感覺用。

效果：●●●●●●●
收貨有餘👍 洗得乾淨得嚟又唔會過度清潔，過敏期間使用亦無更刺激的感覺。
平日嘅防曬/碎粉都handle到，係日常用令人安心嘅選擇。

結論及建議：●●●●●●○
好物無伏，記得開封時第一泵泡泡唔好要就完美了。
剛唧出時起到角，十秒內已經軟塌成球狀，類似濕性發泡嘅蛋白

放置兩分鐘後
放置五分鐘後，可見已經攤開，氣泡浮出。但呢個狀態仍然能使用，洗時有潺感會輕微拉絲。