CLARINS

賦活雙萃精華粉底液

多謝 @cosme 抽中我試用CLARINS「賦活雙萃精華粉底液 Double Serum Foundation」。
我未用過Clarins嘅化妝品，但用過佢嘅double serum，對精華本人嘅印象係非常好，尤其係冬天，係會令到皮膚好似好好咁。
先講下自己膚質：我本身夏天係好易出汗，大部分時間係個混合油皮，天氣乾燥時可能會變混乾皮，總之鼻翼一定係個易甩位。

呢支粉底液嘅使用方法同Double Serum用法相似，都係用上邊個擰擰位調校多少，再撳出嚟，如圖：（唔知點解上傳失敗，候補。）
喺呢度順便帶出呢支粉底液嘅其中一個我唔鍾意嘅點：容易黐手指模。

我目前嘅面部困擾係容易浮粉，膚色暗沉無光，毛孔粗大，有可能係因為平時返工長時間喺冷氣房，夜瞓，皮膚乾，間中又會喺戶外成日（出汗兼出油）

試用期間都係根據返我平時嘅使用習慣，查完skin care，再搽防曬再用佢。
試過就咁用手指上，冇用任何工具，都非常貼面，好容易可以融入皮膚。亦都試過用掃上同埋用卜上，用掃上嘅妝效係最好，但係冇用卜上咁long last。

佢喺上妝時非常容易推開，膚感輕薄而且感受到比起一般底妝更加水潤，冇咁容易卡粉起乾紋。
佢亦可以做到透亮感，啲光澤好似由內而外散發嘅，皮膚都睇落更加平滑飽滿，好似皮膚本身就咁靚嘅感覺。
我覺得佢好適合喺春天秋天冬天使用，夏天的話如果係室內都適合使用，佢嘅滋潤感同埋透亮感係比一般粉底液出色好多，亦都好自然，遮瑕到我覺得有中上，遮瑕度係可以疊加嘅，甚至我生暗瘡唔用遮瑕膏都得，喺冇暗瘡嘅皮膚上使用，妝感非常自然，有種貴婦感，似遮瑕度高啲嘅Cle de pro感覺。
我覺得佢做到化妝同時養膚嘅效果，因為佢真係加咗護膚品精華落去，嗰種保濕滋潤感係同搽咗double serum有八成相似，而且卸妝後都唔會乾，喺冷氣房下長時間更加係越戰越勇。
呢支嘢大概起碼last到六個鐘，但佢唔多甩粉，喺我面上淨係有少少浮粉，同埋遮瑕力下降，不過講緊我甩妝情況下都有大部份時間係出緊汗，成面油，因為成日喺戶外，天氣又熱又曬，我對佢呢個表現都好滿意，基本上印走啲汗同埋油，都仲係會覺得塊面皮膚好好，只會係暗瘡位置遮瑕低咗，啲暗瘡明顯咗。

但係我觀察到，本身喺暗瘡上已經搽咗二至三層做遮瑕，喺補妝時再搽多層後，有機會卡喺上邊，但講緊嘅係宇宙大巨瘡，其他一般暗瘡就冇呢個情況。

總結而言，用咗佢好似幫我換咗個新皮膚咁，同時做到養膚，唔會令暗瘡變得嚴重，好鍾意佢嗰種光澤感，用掃上嘅妝感最好，但如果嗰日會長時間喺戶外我會用卜上。