Spa treatment

B5冰萃水光瓶

好多謝被@cosme抽中試用Spa treatment既B5冰萃水光瓶

依個冰萃水光瓶係採用左日本醫學級成份，納米級阿爾卑斯山冰川純水做主要成份再加入最高純度既維仔命B5，再利用日本傳統釀做技術再配合大米發酵精粹，以達到長效保濕，改善敏感泛紅，抗炎修復，提高提彈，淨白肌膚。

冰萃水光瓶既磨砂玻璃瓶身，十分配合到依個精華既名稱，令人有種純淨既感覺。用滴管既設計，每次可以因應份量慢慢支出黎，好方便。精華近乎沒有香味，質地好水潤輕盈，好易推開，吸收時間亦好快，清爽不黏膩，唔洗慢慢等佢吸收，即時已經覺得滋潤保水。

本身我岩岩有做左少少醫美療程，塊面有少少紅，但用左冰萃水光瓶14日之後，覺得塊面既泛紅退左好多，穩定返我既膚況，肌膚比之前更柔嫩，又亮白左，冇之前咁暗淡無光。每晚搽完，到第2朝塊面都仲係好保濕，比之前都好似緊緻左D。依個冰萃水光既效果真係幾明顯，而我係使用期間冇出現任何敏感情況，我會持續咁使用。