d program

酵母益生元柔膚水 (極致保濕)

之前收過Cosme既d program 都保濕cream嘅試用，所以對呢個牌子都幾有信心！用完覺得皮膚真係穩定咗好多，由轉季亂糟糟嘅狀態變返好乖～

🤍 保濕質地：5/5
其實佢係好保濕嘅水狀質地，帶有少少微稠嘅透明感。上臉一推就開，延展性好勁，少少份量已經夠搽全面。拍一拍就好快吸收，用完塊面即刻飲飽水，有種水潤充盈嘅感覺！

🤍 用後穩定感：5/5
呢個係我最驚喜嘅地方。用咗一排，唔單止連日嚟嘅乾燥感消失晒，皮膚仲變得滑溜咗。敏感泛紅嘅機會明顯減少，就算捱夜或者轉天氣，膚況都keep得住穩定，唔會再亂發脾氣！

🤍 質地膚感：4.5/5
雖然好滋潤，但推開吸收後零黏笠感。用完唔會焗住塊面，就算喺潮濕嘅天氣或者喺冷氣房用，都覺得好舒服！

🤍 溫和度：5/5
真係無色無味，酒精、香料統統無添加！專為敏感肌研發，用落零刺痛，連皮膚最脆弱嘅時候用都覺得好安心！

總結

d program呢支化妝水對穩定同修護乾燥粗糙肌真係好有幫助。佢做到溫和同高效保濕嘅平衡，可以幫皮膚打好個底。

#火熱新品