CeraVe

活肌再生胜肽緊緻修復面霜

天氣一轉，由凍變熱，又由熱變翻凍，我塊面就處於喺潮濕同乾爭爭之間嘅鬥爭，敏感到不得了。對於敏感肌，揀選護膚品，真係一大學問！太薄嘅話就唔夠潤，太潤嘅話，又會封死皮膚，唞唔到氣，谷粒粒。

好彩多得cosme喺最適合嘅時候打救我！可以俾我試用CeraVe同皮膚科醫生共同研發嘅「活肌再生系列」！佢有三重親膚Ceramides同專利MVE技術，可以修復肌膚屏障同時溫和抗老，仲有效淡紋、緊緻同提亮添！

【活肌再生胜肽緊緻修復面霜】
佢質地滋潤，好易推開，吸收速度幾快，就算朝早用，都唔會覺得好黏立。可以如常上妝，返咗工全日都依然覺得塊面好水潤，有彈性！

持續用咗兩星期之後，覺得塊面影相嘅時候，額頭同虎紋都減淡咗，肌膚變得緊致，jawline都出返嚟！作為抗老面霜，呢個價錢，性價比好高！最重要係，我嘅敏感情況有改善，洗完臉後冇再咁乾爭爭同繃緊，真係有幫我修復到肌膚嘅屏障！