CeraVe

活肌再生A醇抗皺精華

首先要多謝Cosme抽中我試用CeraVe 敏感肌抗老系列嘅「活肌再生胜肽緊致修復面霜」、「活肌再生A醇抗皺精華」，同埋「活肌再生維他命C提亮精華」🩷

呢個品牌係美國皮膚科醫生Number one推薦，第一下嘅感覺係好信得過咁喎。同埋其實都有好多文章講過早A晚C，對皮膚抗老同埋美白係好有幫助嘅，所以今次抽中試用呢個系列真係好興奮🥰

「活肌再生A醇抗皺精華」蘊含三種親膚成份，包括Ceramides，A醇，同埋透明質酸，有助提高皮膚水份，舒緩同修護肌膚表面屏障，亦同時淡化細紋同皺紋，撫平粗糙肌膚！

其實我之前都用過其他品牌嘅A醇產品，但皮膚都會接受唔到，會變得唔穩定，有時會出痘痘，所以好多人都話用A醇係要有一個過渡期等皮膚慢慢適應，慢慢增加用A醇嘅頻密程度。但CeraVe 「活肌再生A醇抗皺精華」呢款產品對我嚟講真係好有驚喜佢個質地好流質，好易推開，皮膚吸收得超快！如果淨係單一用呢個產品，我會覺得皮膚有啲乾，但用埋佢嘅「活肌再生胜肽緊致修復面霜」，就可以好有效咁平衡返保濕嘅功效，所以兩款產品一齊用係有加乘嘅效果！同埋用呢款產品係令到啲皮膚好穩定，我係冇經歷過A醇過渡期，可以直接每日都用呢款產品，所以真係覺得佢好amazing！

Before:After: 用之前嗰排，唔知係咪因為轉天氣，啲皮膚好唔穩定，下巴位置出咗好幾粒暗瘡，同埋面上面都有一噠噠紅左。但用完一星期之後，下巴啲暗瘡係完全消曬，啲印都好快退，同埋啲紅色一噠噠都好快消失咗！睇埋張相嘅對比，都好明顯覺得皮膚係光滑、細緻咗！虎紋同埋嘴角嘅紋都有輕微減少🩷

整體嚟講，我覺得呢個A醇嘅產品真係好神，係一定一定一定會再回購嘅產品，因為減紋對肌膚逆齡黎講真係好重要！！！