CeraVe

活肌再生維他命C提亮精華

CeraVe活肌再生維他命C提亮精華給我的第一印象是質地清爽，帶少許潤感但不黏膩，推開後很快吸收。使用時沒有明顯刺痛或發熱感，對於敏感肌來說接受度頗高。因為之前試過另一牌子精華維他命C嘅味道好重，而且有酒精嘅感覺唔太舒服。呢款輕好多。

即時使用後，肌膚有輕微提亮效果，看起來較有光澤感。持續使用2星期後，膚色均勻度有所改善，暗沉感減少，整體氣色更精神。但一定要記得搽防曬如果唔係個人會黑咗咁，對於痘印及輕微色斑亦有小小淡化效果，但係我啲印都好耐啦，所以唔會完全消失，仍需努力。圖片中嘅before and after係一啲近期啲嘅暗瘡痘印俾大家參考吓。

佢隻包裝係希望可以減少空氣進入維C，第一次用要扭啲空氣出嚟，鎖實，但係好似我搞到唔小心漏返啲出嚟，依家唔敢再亂郁到，如果大家用嘅時候記得唔好擰返下便嗰層出嚟。設計有心只係我太大意。