NIVEA

果萃雙效SUPER C+ 防曬精華凝乳 SPF50 PA++++

多謝品牌同Cosme呢支果萃雙效super c+ 防曬精華凝乳，作為戶外活動重度防曬用家，等我分享下我既真實心得啦🥰


Nivea cp值唔洗講，幾十蚊勁大枝：佢嘅質地係輕身乳液狀，一推開就溶入皮膚，完全唔泛白亦冇擦膠碎，夏天用都覺得清爽～下圖係上完防曬打圈5下既效果圖，勁快推開晒！


🤍 防曬力：5/5
呢支係泰國No.1防曬系列，專為亞洲膚質研製。SPF50 PA++++日常戶外活動足夠應付，試過暴曬嘅左5 粒鐘都冇曬傷亦冇起紅點，曬黑點都有少少但真係微不足道。（戶外活動時keep住兩粒鐘補一補防曬會好d但我冇😅）

🤍 質地吸收：4.5/5
輕身乳液狀延展性好高，好易推勻，推開後有少少保濕膜感但唔黐立立，搽完感覺好舒服。（超唔鍾意防曬太厚，會好熱）

🤍 亮白效果：4/5
用咗兩星期（期間去左3 次戶外活動曬左十幾粒鐘），皮膚除左唔覺黑左好多，仲覺得有光澤左！係自然透亮光澤。


總結：

NIVEA呢支防曬精華凝乳實現咗「防曬 + 養白」一步到位真係幾驚喜！特別係抗暗沉效果令人感動，好適合懶人同成日戶外活動嘅你～會回購，推介俾所有想一支搞掂防曬同亮白嘅朋友！