NIVEA

果萃雙效SUPER C+ 防曬精華凝乳 SPF50 PA++++

🌞效果： 最吸引我係官方話防曬同時亮白既功能。試過猛太陽踩幾個鐘單車，冇補防曬都完全冇曬黑，防曬力有驚喜。至於亮白效果，暫時未見好顯著，可能要用耐啲先睇到。但幾十蚊有170ml，當純防曬用已經好對得住荷包。

💦質地： 質地輕薄水潤，好易推開，吸收快，唔會好似普遍防曬咁痴笠笠，又唔會乾到有粉感。搽完感覺清爽零負擔，夏天用都舒服。味道係清新嘅橙味，香得嚟唔會好人工好刺鼻，仲可以蓋住防曬成日有嘅怪味，加分。

👎🏻缺點： 最大缺點係太大枝，170ml帶出街唔方便，只適合擺屋企或旅行大喼先帶到。

🤑性價比： 幾十蚊有170ml真心抵到爛，常見防曬品牌一百蚊先得幾十g。呢個價錢買到SPF50 PA+++，仲要水感好用冇曬黑，性價比極高，絕對值得一試。