PAUL & JOE BEAUTE

糖瓷防曬絲潤精華氣墊粉底 SPF50＋/ PA＋＋＋＋

#火熱新品

Paul & Joe 白色搪瓷氣墊

00色號，粉白色，夏天混油、冬天混乾膚質，用過最大感覺就係，使用感好矛盾。

1. 氣墊氣味有啲怪，唔係香味亦都唔係臭味，係一種化學味，同搪瓷隔離唔一樣。

2. 做好保濕先上臉，淨係塗呢隻，皮膚屏障受損嘅位置原本甩皮唔係好明顯，上咗之後反而一清二楚、更加突出。宣傳話「加入保濕精華」「隔離+底妝一體」「絲薄水潤」「適合混油皮嘅氣墊」，總之睇宣傳語就已經好矛盾。

3. 入面見到係海綿，按理應該係滋潤型氣墊，但反而更甩皮就好奇怪。剛剛撲上臉時好順滑，但好快就變乾，未夠時間推勻。同樣皮膚狀態用 Excia 粉霜就唔會甩皮，就算用返同一牌子搪瓷隔離00白蓋版都唔會咁明顯。
之後試過用 CPB 長管隔離、CPB 白管隔離、用橘子面霜打底等等，都解決唔到甩皮明顯嘅問題。

4. 粉質幾細膩，妝效帶少少光澤，唔係純霧面。00色號係粉白，對我黃一白膚色嚟講，係我想要嘅效果，好提氣色。

5. 粉撲太細，唔太好用（尤其指甲長嘅時候），撲粉唔均勻。由3月10號開始用，每日一次，15日就發覺撲到嘅粉越來越少（或者好唔均勻），要大力咁按，暫時未睇過海綿下面剩幾多粉。

6. 會暗沉，大約兩個鐘後暗0.5至1.5度。而家冬天唔用定妝都可以撐8個鐘。唔用碎粉定妝亦都因為本身已經覺得好乾，再加定妝會抹走佢本身帶住嘅微光感。一日落去可補可唔補。

7. 好似入面有微光粒子（估下咋），因為上臉之後，眼下黑眼圈同淚沟遮過瑕嘅地方會被遮淡啲，呢點幾好。

8. 遮瑕度方面，原本嘅斑該有仲係有，只係膚色均勻咗、氣色好咗，大約遮到七成左右。

9. 兩頰毛孔粗嘅位置會浮粉、顯毛孔，唔算好嚴重，換過幾次粉撲同上妝手法都係會浮，得出結論應該唔係手法問題。不過浮粉之後用手抹返平都得。

整體嚟講：
衝住00粉白色號預訂嘅，色號同妝效我都鍾意，最不滿意就係唔遮甩皮呢樣。如果皮膚屏障受損嘅，都係揀第二個牌子好啲。如果皮膚本身水潤飽滿，用呢隻一定錦上添花。唔知夏天用會唔會好啲。