Vaseline

涼感高效防曬精華液

感謝@cosme 邀請我試用產品！

隨着年歲增長，以及喜愛戶外活動，面上雀斑開始浮現，近年除咗搵適合自己嘅美白及去斑產品，防曬係更加基本嘅日常護理，絕對不能忽視！

呢款防曬，一打開有淡淡蘆薈草本清香，味道唔算太濃，自己幾喜歡，不過皮膚敏感嘅朋友要留意~

產品質地水潤清爽，延展性高，好容易推開，唔需要大力拉扯皮膚都可以覆蓋每一寸肌膚。用完又不會出現泛白，亦都唔會好重油膩感，唔會用電話嘅時候留低面印。質感不厚重，輕薄透亮，適合日常使用。呢支防曬強調有清涼效果，上面之後大約幾秒會感到些微冰涼，但又不至於好似使用某啲冰涼濕紙巾效果咁誇張，亦都唔會令到皮膚產生刺激反應，夏日炎炎使用，效果應該更加清爽！

至於防曬效果，戶外活動3至4小時後，整體面部肌膚沒有出現泛紅或暗黑。不過對光線敏感的雀斑顏色則有輕微變深，嚟緊使用時，會再加強補防曬，以及增加用量，期待之後嘅效果~
除咗面部肌膚，我亦都有大範圍使用於身體，效果相對優秀，整體皮膚沒有出現泛紅或膚色暗沉，防曬效果良好。整體來說，呢支防曬適合日常使用，不會引致暗粒或暗瘡。而且產品性價比高，大範圍使用於身體，也不會肉痛！即使產品有香味，都沒有出現過敏情況，嚟緊夏天亦都會持續使用~