LA ROCHE-POSAY

CICAPLAST B5 PRO 極效修復面膜

LRP 係其中一個我最開始認識醫學品牌嘅牌子，尤其是佢哋依家Cicaplast B5系列特別出名，都好期待試佢哋個面膜。呢個系列主打舒緩肌膚泛紅，加快皮膚修復，修復皮膚屏障，特別係敏感性皮膚都可以用。

最近工作忙碌，皮膚膚質變得不穩定，覺得個面膜都有作用，鼻翼/臉頰泛紅係有改善到，表現中規中矩不過冇乜特別surprise。係一個好可靠嘅牌子&產品。

圖上before （day 0）
圖下after （day 0）

以$25/一塊嘅價位覺得比較適合皮膚係特別敏感或者有trouble （eg突發性敏感皮膚、曬親、做完醫美、特別泛紅）。 因為佢唔包含其他active ingredients ，所以就唔好期望佢會幫你改善到其他肌膚問題 （細紋、毛孔、光澤嗰d）

✔️精華質地：💧💧（5💧滿分是水狀超清爽無感，1💧是濃稠膏狀）屬於相對水狀嘅精華，好快就會吸收。敷完面膜嘅精華可以唔使洗，直接讓皮膚吸收，唔會好似有層嘢咁👌🏼

✔️面膜質地：中間厚薄，小小透嘅面膜紙。上網睇應該係純棉質地，我覺得相對上比較快會乾，所以敷到一半要補返啲精華。不過我覺得佢個size唔係好夠大，個鼻嗰個位貼得唔係咁好，要自己剪開少少先貼服。



✔️用法：用完爽膚水後，搽咗面膜嘅精華上塊面度先敷上面，敷 15分鐘左右

✔️成分&功效：積雪草（cica = centella asiatica = madecassoside）可以舒緩皮膚常見嘅成分，加上B5、peptide、同ceramide可以加速皮膚屏障修復。包裝寫住成份適合做完醫美嘅皮膚，所以應該好mild嘅。