AHC

9重全護撫紋淡斑防曬棒

今次抽中試用2樣產品：9重全護撫紋淡斑防曬乳同9重全護撫紋淡斑防曬棒

首先講吓9重全護撫紋淡斑防曬乳，呢支防曬乳主打一支搞掂防曬、淡斑同埋撫紋，啱日常用或者化妝前打底，我就喺每次出門前用。質地係輕盈嘅乳液，好易推開，唔會好黏，同埋吸收得幾快，搽完面同頸都唔會見到好明顯嘅白色殘留，仲有自然嘅光澤感。防曬方面，試用期間時晴時雨，所以照說明講嘅用量同喺出門前15–20分鐘搽感覺已經好夠。淡斑同撫紋方面暫時未見到，相信要再用耐d先知。總括嚟講，呢支防曬係ok嘅，之後等天氣穩定d再試真d防曬能力。

而9重全護撫紋淡斑防曬棒真係好方便，可以隨手補搽防曬，試用呢段時間都係放係手袋度，方便隨時補。支棒係下面有個扭嘅固態狀防曬，可以直接摸上面唔洗用手，乾淨又方便。質地比乳液厚身少少，但唔厚重。搽落面好似形成一層保護膜咁，搽眼周、鼻翼、唇邊呢d位特別好用。對補防曬同局部快速防曬ok，所以朝早用9重全護撫紋淡斑防曬乳，之後用防曬棒補。淡斑同撫紋相信都要長期局部用先知，暫時未見有明顯效果。呢支嘅優點係乾淨、好用、可以精準補搽。缺點就係如果淨係靠佢搭全臉會好快用哂同埋貴，唔知遲d夏天支棒會唔會軟化或者皮膚覺得焗。

2樣防曬用品暫時都ok嘅，朝早用防曬乳，防曬棒就係出門喺外面補搽重點位，因為平時大大支防曬真係好少拎出街再補，而家變咗棒狀可以叫自己唔好咁懶，咁就可以做到比較完整嘅防曬同日常護理。睇吓之後太陽大d效果係點再決定會唔會keep住用。