AHC

9重全護撫紋淡斑防曬棒

作為女仔，防曬已經成為左一年三百六十五日既必需品。以前就咁追求普通防曬，宜家多左色斑之後，對於揀防曬都希望可以有多重功能，其中一樣就係改善膚色。
今次有幸可以試到AHC既9重全護撫紋淡斑防曬系列~
首先講下9重全護撫紋淡斑防曬棒啦。呢次係我第一次使用防曬棒，最主要嘅comment係好方便！首先講吓佢嘅質地，相比起平時嘅防曬乳，佢一定係比較油膩嘅，但係佢吸收得好快，搽完之後就已經冇咗嗰種油膩嘅感覺。但正正因為有呢種油膩嘅效果，搽完之後會覺得塊面令咗啲，對於皮膚比較暗沉同埋乾燥嘅朋友嚟講係幾好用嘅。另外用防曬棒嗰陣帶出街好方便，可以隨時隨地補防曬。但係因為我本身冇底妝，所以我就評價唔到可唔可以喺底妝上面補啦。呢支防曬棒同防曬乳唔同，佢冇任何潤色或效果，但係就可以做到撫平細紋同毛孔。相比起防曬乳，我自己覺得效果冇咁持久，過一段時間就想補防曬。但係未補之前呢支防曬棒都keep到肌膚保持水潤唔乾燥嘅。整體而言，如果你係想keep住補防曬嘅朋友我會推薦防曬棒，因為真係好方便而且防曬系數高！