BIODERMA 貝膚黛瑪

B3保濕修復彈潤精華 (法國透光水)

我係混合偏乾肌 兩邊面頰偏乾
上妝容易卡粉素顏望落暗沉冇乜光澤
我用咗呢支精華兩個禮拜 早晚都用質地係透明啫喱狀
比想像中潤但推開又唔黐立立
每次用大約兩泵輕輕按摩幾吓就吸收晒
吸收之後塊面軟軟嫩嫩表面清爽


第一次用已經好有驚喜 洗完面嗰種繃緊感即刻消失咗
保濕力好持久
朝早搽完到下午都仲覺得水潤 唔會乾到出油

用咗兩個禮拜 皮膚明顯唔同咗 塊面感覺有彈性咗
乾紋明顯淡咗 尤其上妝貼服咗好多 無咁容易浮粉
兩頰近鼻位嘅毛孔細緻咗 皮膚望落更平滑
成塊面膚色均勻度都有改善望落乾淨精神好多

我係配埋同系列「水活保濕精華肌底液」一齊用
洗完面先用肌底液噴幾下拍吸收 再搽B3精華

明顯感覺到吸收快咗
肌底液幫皮膚開路 B3精華拍幾吓就食晒入去
保濕更深層 由底層潤到出嚟 朝早搽完到夜晚都仲水潤 透亮變成水光感，望落更精神

呢支B3保濕修復彈潤 精華用咗兩個禮拜
保濕 彈潤 提亮三樣都做到
佢唔係用完即時好誇張嗰種 而係用用吓發現皮膚唔知唔覺變好咗
最開心係洗完面唔即刻搽嘢 都冇以前乾得咁快
感覺皮膚自己嘅保水力好咗

夾埋肌底液用效果更加好