BIODERMA 貝膚黛瑪

B3保濕修復彈潤精華 (法國透光水)

多謝品牌同@cosme俾我試用

呢枝精華質地微稠但超滑順，pump咀設計方便控制用量，2-3滴就夠全臉，早晨用嚟打底、晚上修護都啱。搽落去好易推勻，吸收超快，幾秒鐘就完全sink in皮膚，完全唔油膩，摸落即刻彈潤有光澤，好似飲飽水咁。保濕力強勁，用完第二日醒嚟，皮膚水油平衡，乾紋明顯少咗，膚色均勻咗少少，整體感覺修復咗。

比起肌底液，呢支精華效果明顯好多，尤其鎖水同舒緩方面，敏感嗰時用特別舒服。我用咗10日，感覺皮膚更有彈性，化妝上妝都順滑，唔會起擦膠碎，唔易出油脫妝。

成分有B3（菸醯胺），修護屏障真係有效，有少少香味可接受。缺點可能係價錢稍貴，但容量（30ml）算多，一樽用足月都夠。

結論：推介，日常必備，吸收同即時感受都贏晒！