BIODERMA 貝膚黛瑪

B3保濕修復彈潤精華 (法國透光水)

呢款BIODERMA B3保濕修復彈潤精華，係一支適合輕熟肌嘅長備精華。主要針對改善乾燥、暗啞、細紋嘅問題。

佢質地係透明微稠狀態，延展性高，只需幾滴就可以搽勻全臉，感覺輕盈，好快就被皮膚吸收，搽完唔會有焗促感，亦都冇同後續嘅護膚品/化妝品產生碎屑，上妝後感覺妝容更加貼服。

搽完已經即時有補水效果，好似有一層水膜覆蓋。喺乾燥嘅冬天用，補水力都好充足。我每日早晚都會使用，用咗一排，由於補水力充足，連帶膚色暗啞、乾紋嘅問題都有所改善，皮膚感覺透亮咗，個人望落精神咗。

另外佢有20倍維他命B3，有效修復肌膚屏障，改善皮膚嘅防禦力，減低出現敏感泛紅嘅機會。基本上係一支幾全效嘅精華，正價都係四百幾蚊，CP值幾高，值得推薦。